ಅಪ್ಪನಿಗೀಗಾ 78 . . . . .

 ಅಪ್ಪನಿಗೀಗಾ 78 . . . . .


ಅಪ್ಪ ನಿಮಗೆ ಈಗ 78 ವರ್ಷ (3-4-2025)  ನಾನು ಕಂಡಂತೆ  ನೀವು ವಿಶ್ರಾಂತಿ ಅಂತ ಪಡೆದದ್ದು ನೆನಪಿಲ್ಲ. ಶಿಕ್ಷಕ ವೃತ್ತಿಯಿಂದ ನಿವೃತ್ತರಾಗಿ 20 ವರ್ಷ ಗಳು ಕಳೆದಿದೆ .  ನಿಮ್ಮ ನಿವೃತ್ತಿಯ ನಂತರ ನಾವೇಲ್ಲರು ಮೈಸೂರಿಗೆ ಬಂದು ನೆಲೆಸಬೇಕಾಗಿ ಬಂತು, ತಗಡೂರಿನಲ್ಲಿ ಶಿಕ್ಷಕ ವೃತ್ತಿಯ ಜೊತೆಗೆ ಅಂಗಡಿ ವ್ಯಾಪಾರ ಮಾಡುತ್ತ ನಮ್ಮೇಲ್ಲರ ಬದುಕನ್ನು ಕಟ್ಟಿದ್ದೀರಿ , ವೃತ್ತಿಯಲ್ಲಿರುವಾಗಲೇ ಅಕ್ಕನ ಮದುವೆ ಮಾಡಿದ್ದೀರಿ ಅವಳಿಗೀಗಾ 18 ವರ್ಷದ ಮಗಳಿದ್ದಾಳೆ.


ನಿವೃತ್ತಿಯ ನಂತರ ಮೈಸೂರಿಗೆ ಬಂದು ಬ್ರಾಹ್ಮಣ ಧರ್ಮ ಸಹಾಯ ಸಭಾ ದಲ್ಲಿ ಕೆಲಸಕ್ಕೆ ಸೇರಿ . ಸುದೀರ್ಘ 18 ವರ್ಷ ಗಳು ಅಲ್ಲಿ ಸೇವೆ ಸಲ್ಲಿಸಿ, ನಂತರ ಅಲ್ಲಿಂದ ನಿವೃತ್ತರಾಗಿದ್ದೀರಿ. ತಗಡೂರಿನ ತಾತನ ಸೂರಿಗೆ ಆರ್ ಸಿ ಸಿ ಹಾಕಿಸಿ ತಗಡೂರಿನ ನಂಟು ಉಳಿಯುವಂತೆ ಮಾಡಿಕೊಟ್ಟಿದ್ದೀರಿ.  ನೀವು ಬದುಕಿನಲ್ಲಿ ಅನುಭವಿಸಿ ಕಷ್ಟ ಕಾರ್ಪಣ್ಯಗಳನ್ನು ಹತ್ತಿರದಿಂದ ನಾನು ನೋಡಿದ್ದೇನೆ.  ಆ ಎಲ್ಲಾ ಕಷ್ಟಗಳನ್ನು ನೀವು ನಿಭಾಯಿಸಿದ್ದು “ದುಡಿಮೆ” ಎಂಬ ಮಂತ್ರದಿಂದ ಎಂಬುದನ್ನು ನಾನು ಅರಿತಿದ್ದೇನೆ.    


ಹೆಂಡತಿ, ಮಗ, ಮಗಳು ಅಳಿಯ,  ಸೊಸೆ,  ಮುದ್ದಾದ 3 ಮೊಮ್ಮಕ್ಕಳೋಂದಿಗೆ  78  ವಸಂತಗಳ ಪರಿಪೂರ್ಣ ಬದುಕು ನಿಮ್ಮದು. ಚಿನ್ನಮ್ಮ ನ ಮಗನಾದ ಕಾರಣ ನಿಮ್ಮನ್ನು “ಚಿನ್ನಮರಿ” ಎಂದು ಎಲ್ಲರೂ ಕರೆಯುತ್ತಾರೆ. ನಾನು “ಚಿನ್ನಮರಿ”ಯ ಮಗ ಎಂಬುದಕ್ಕೆ ಹೆಮ್ಮೆ ಪಡುತ್ತೇನೆ.


ಸಾವಿರಾರು ನುಡಿಮುತ್ತುಗಳನ್ನು ಸಂಗ್ರಹ ಮಾಡಿದ್ದೀರಿ. ನಿಮ್ಮ ಅಂದದ ಕೈಬರಹಕ್ಕೆ ನೀವೇ ಸಾಟಿ. ನಿಮ್ಮ ಅಂದದ ಕೈ ಬರಹದ ನುಡಿಮುತ್ತುಗಳಿಗೆ ಅಭಿಮಾನಿ ಬಳಗವೇ ಸೃಷ್ಟಿಯಾಗಿದೆ.


ಮನೆಯಲ್ಲಿ ಒಂದು ಆನೆ (ಆರೋಗ್ಯ , ನೆಮ್ಮದಿ) ಸಾಕಿದ್ದೀನಿ ಎಂದು ನೀವು ಹೇಳುವಾಗ ನಿಜಕ್ಕೂ ನನಗೆ ಖುಷಿಯಾಗುತ್ತೆ . ಆ “ಆನೆ” ಯಾವಾಗಲು ನಿಮ್ಮ ಜೊತೆಗೆ ಇರಲಿ.  ಇದನ್ನೇ ನಾನು ಭಗವಂತನಲ್ಲಿ ಪ್ರಾರ್ಥಿಸಿಕೊಳ್ಳುತ್ತೇನೆ.  ಹುಟ್ಟುಹಬ್ಬದ ಶುಭಾಶಯಗಳು ಅಪ್ಪ  . . . . . 

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಪಠ್ಯ ಪರಿಷ್ಕರಣೆ : ಒಂದು ದೃಷ್ಠಿಕೋನ

ಇಮೇಜ್
ಪಠ್ಯ ಪರಿಷ್ಕರಣೆ : ಒಂದು ದೃಷ್ಠಿಕೋನ            ಕಳೆದ ಎರಡು ತಿಂಗಳಿನಿಂದ ರಾಜ್ಯದಲ್ಲಿ ಪಠ್ಯ ಪರಿಷ್ಕರಣೆ ಕುರಿತಾಗಿ ಎಡ – ಬಲಪಂತ ಗಳ ವಾದ ವಿವಾದಗಳು ನಡೆಯುತ್ತಲೆ ಇದೆ. ಸರ್ಕಾರ ಮತ್ತು ವಿರೋಧ ಪಕ್ಷಗಳು ದಿನಕ್ಕೂಂದು ಪ್ರಹಸನ ಮಾಡುತ್ತಲೇ ಇವೆ .             ನಮ್ಮ ಬುದ್ದಿ ಮಟ್ಟಕ್ಕೆ ತಕ್ಕಂತೆ ಅರ್ಥೈಸಿಕೊಂಡ ಸಿದ್ದಾಂತಗಳನ್ನು ಮಕ್ಕಳಲ್ಲಿ ತುಂಬುಲು ಪಠ್ಯಪುಸ್ತಕಗಳನ್ನು ರಚಿಸುವುದಾದರೆ ಮಕ್ಕಳಲ್ಲಿ ಸಿದ್ದಾಂತಗಳನ್ನು ಬಲವಂತವಾಗಿ ಹೇರಿದಂತಾಗುವುದಿಲ್ಲವೇ? ಒಂದು ವಿಷಯವನ್ನು ಸೈದಾಂತಿಕವಾಗಿ ನೋಡುವುಕ್ಕಿಂತ ತಾರ್ಕಿಕವಾಗಿ ಯೋಚಿಸುವ ಗುಣ ಮತ್ತು ಮೌಲ್ಯವನ್ನು ವಿದ್ಯಾರ್ಥಿಗಳಲ್ಲಿ ಬೆಳಸಬೇಕಾದ ಶಿಕ್ಷಣ ವ್ಯವಸ್ಥೆ ಇಂದು ಸಿದ್ದಾಂತಗಳ ಬಲವಂತ ಹೇರಿಕೆಗೆ ಪ್ರಯತ್ನಿಸುತ್ತಿರುವುದು ದುರಾದೃಷ್ಟಕರ.             ಈ ಹಿಂದಿನ ಪಠ್ಯಕ್ರಮದಲ್ಲಿದ್ದ ಎಡ ಪಂಥೀಯ ವಿಚಾರಧಾರೆಗಳ ಬದಲಿಗೆ ಈಗ ಬಲ ಪಂಥೀಯ ವಿಚಾರಧಾರೆಗಳನ್ನು ಸೇರಿಸಬೇಕು ಎಂಬ ವಿನಾಶದ ವಾದವನ್ನು ಯಾರು ಒಪ್ಪಬಾರದು.                    ಕುವೆಂಪುರವರು ತಮ್ಮ ಸಾಹಿತ್ಯ ಕೃಷಿಯಲ್ಲಿ ವಿಶ್ವಮಾನವ ಸಂದೇಶ ಸಾರಿದರು ಆ ಮೂಲಕ ವಿಶ್ವಮಾನವರಾದರು ಆದರೆ ಇಂದು ಓಕ್ಕಲಿಗ ಸಮುದಾಯದ ಕವಿಯಾಗಿ ಬಾಸವಾ...
ಇನ್ನಷ್ಟು ಓದಿ

ಅನೀಶ್ ನಿನ್ನಂತಹವರೇ ನಮ್ಮ ಕನ್ನಡ ಮತ್ತು ಕರ್ನಾಟಕದ ನಿಜವಾದ ಆಸ್ತಿ . . . . .

 ಕಳೆದ ಶುಕ್ರವಾರ ಮೈಸೂರಿಗೆ ಹೊರಡಲು ಸಿದ್ದನಿರುವಾಗ ಗೆಳೆಯ ಲೋಕೇಶ್ Rapido ಬಳಕೆ ಮಾಡು ಬೇಗ ಮೈಸೂರು ಸ್ಯಾಟಿಲೈಟ್ ಬಸ್ ಸ್ಟಾಪ್ ತಲುಪುತ್ತಿಯಾ ಎಂದು ಸಲಹೆ ನೀಡಿದ . ಕೂಡಲೇ ಮೊಬೈಲ್ ನಲ್ಲಿ Rapido ಬುಕ್ ಮಾಡಿದೆ, ಕೆಲವೇ ನಿಮಿಷದಲ್ಲಿ  ಇಲ್ಲೆ ನಿಮ್ಮ ಮುಂದೆ ಕಾಣಿಸುತ್ತಾ ಇದೀನಾ ಹಾ ನಾನೇ ಎಂದು ಜೋರಾಗಿ ಕೂಗಿದ.               ನೋಡಿದ ಕೂಡಲೇ ಗೊತ್ತಾಗಿದ್ದು ಆತ ಕರ್ನಾಟಕದವನಲ್ಲ , ಉತ್ತರ ಭಾರತದವನಂತೆ ಕಾಣಿಸಿದ . ಕನ್ನಡಿಗರೇ ನಾಚುವಂತೆ ಕನ್ನಡದಲ್ಲಿ ಮಾತನಾಡಿದ. ಸ್ಕೂಟರ್ ತುಂಬ ಹಳೆಯದಾಗಿತ್ತು ಮತ್ತೋಮ್ಮೆ ಸ್ಕೂಟರ್ ನಂಬರ್‌ ಕನ್ವರ್ಮ್‌ ಮಾಡಿಕೊಂಡು ಒಟಿಪಿ ಹೇಳಿದೆ ಕೂಡಲೇ ಆತ ಧನ್ಯವಾದಗಳು ಸರ್‌ ಹೆಲ್ಮಟ್ ಹಾಕಿಕೊಳ್ಳಿ ಸರ್‌ ಎಂದು ಹೇಳಿದ  ನಮ್ಮ ಸವಾರಿ ಪ್ರಾರಂಭವಾಯಿತು. ಹಾಗೆ ಆತನನ್ನು ಮಾತಿಗೆಳೆದು ನಿಮ್ಮ ಹೆಸರು ಏನು ಎಂದು ಕೇಳಿದೆ ಸರ್‌ ಅನೀಶ್‌ ನಾನು ಯುಪಿ ಯವನು ಸರ್‌ ಇಲ್ಲೆ ಮಾನ್ಯತಾ ಟೆಕ್‌ ಪಾರ್ಕ್‌ ನಲ್ಲಿ ಸೆಕ್ಯೂರಿಟಿ ಕೆಲಸ ಮಾಡ್ತಾ ಇದೀನಿ ಸಹಕಾರ ನಗರದಲ್ಲಿ ರೂಂ ಮಾಡಿಕೊಂಡಿದ್ದೀನಿ ಸರ್‌ ಎಂದು ತನ್ನ ಸಂಕ್ಷಿಪ್ತ ಪರಿಚಯ  ಮಾಡಿಕೊಂಡ               ನೀವು ಯುಪಿ ಇಂದ ಏಕೆ ಇಲ್ಲಿ ಬಂದು ಕೆಲಸ ಮಾಡ್ತಾ ಇದ್ದೀರಿ ಎಂದು ಮರು ಪ್ರಶ್ನೆ ಕೇಳಿದೆ…. ಸರ್ ಯುಪಿ ಯಲ್ಲಿ ಕೆಲಸ ಸಿಗೋದಿಲ್ಲ ಸರ್‌ ಹೀಗಾಗಿ ...
ಇನ್ನಷ್ಟು ಓದಿ

ಯುಗಾದಿ ಬಂತೆಂದರೇ “ತಾತ” ನ ನೆನಪು ಕಾಡುತ್ತದೆ.

 ಯುಗಾದಿ ಬಂತೆಂದರೇ “ತಾತ” ನ ನೆನಪು ಕಾಡುತ್ತದೆ.          ನನ್ನ ತಾತ ಅಳಗಂಚಿ ಶಾನಭೋಗರಾಗಿದ್ದರು ತಗಡೂರು ಅವರ ಕರ್ಮಭೂಮಿ , ನನ್ನನ್ನೂ ಕಂಡರೆ ಉಳಿದ ಮೊಮ್ಮಕ್ಕಳಿಗಿಂತ ತುಸು ಹೆಚ್ಚೇ ಪ್ರೀತಿ ಇತ್ತು ಅದಕ್ಕೆ  ಮುಖ್ಯ ಕಾರಣ ಉಳಿದ ಎಲ್ಲಾ ಮೊಮಕ್ಕಳಿಗಿಂತ ತಾತನೋಂದಿಗೆ ಹೆಚ್ಚು ಕಾಲ ಕಳೆದದ್ದು ನಾನೇ ಹೀಗಾಗಿ ಸ್ವಲ್ಪ ಹೆಚ್ಚೇ ಪ್ರೀತಿ ಇತ್ತು ಜೊತೆಗೆ ಹೆಚ್ಚು ಏಟುಗಳನ್ನು ತಿಂದವನು ಕೂಡ ನಾನೇ. ತಾತ ನನ್ನನ್ನೂ ಸ್ಕೂಲಿಗೆ ಹೊಡೆದು ಕರೆದುಕೊಂಡು ಹೋಗ್ತಾ ಇದ್ದದ್ದು ಈಗಲೂ ನನಗೆ ನೆನಪಿದೆ.   ಯುಗಾದಿ ಬಂತೆದರೆ ತಾತಾ ನೆನಪಾಗುತ್ತಾರೆ. ಯುಗಾದಿಗೆ ಒಂದು ವಾರದ ಮುಂಚೆ ಕೆಂಪನನ್ನು ಕರೆದು ಕಟಿಂಗ್ ಮಾಡಿಸ್ತಾ ಇದ್ದರು . ಬಾಲು ಅಂಗಡಿಗೆ ಕರೆದುಕೊಂಡು ಹೋಗಿ ಹೊಸ ಬಟ್ಟೆ ಹೊಲಿಸ್ತಾಇದ್ದರು. ಒಂದು ಸಾರಿ ಬಾಲು ಯುಗಾದಿಗೆ ಬಟ್ಟೆ ಹೊಲಿದುಕೊಡಲಿಲ್ಲದ ಕಾರಣ ಯುಗಾದಿ ದಿನ ಪೂರ್ತಿ ನಾನು ಬಾಲು ಅಂಗಡಿಯಲ್ಲಿ ಕೂತು ಬಟ್ಟೆ ಹೊಲಿಸಿಕೊಂಡು ಸಂಜೆ ಮನೆಗೆ ಬಂದಿದ್ದೆ. ತಾತಾನ ನಿರ್ದೇಶನದಂತೆ ಅಪ್ಪ ಕೂಡ ಯುಗಾದಿಗೆ ನನಗೆ ತಪ್ಪದೆ ಹೊಸ ಬಟ್ಟೆ ಹೊಲಿಸ್ತಾ ಇದ್ದರು. ತಾತಾ ಯುಗಾದಿಯನ್ನು ಗಂಡು ಮಕ್ಕಳ ಹಬ್ಬ ಎಂದು ಹೇಳಿತ್ತಿದ್ದರು “ ಪದ್ಮ ರಾಮುಗೆ ಎಣ್ಣೆ ನೀರು ಹಾಕಿ ಹೊಸ ಬಟ್ಟೆ ಹಾಕು” ಎಂದು ಯುಗಾದಿಯ ಬೆಳಗ್ಗೆ ತಾತಾ ನಿರ್ದೇಶನ ಹೊರಡಿಸುತ್ತಿದ್ದರು. ಯುಗಾದಿಯ ದಿನ ತಾತ ತುಂಬ ನೆನಪಾಗುತ್ತಾರೆ. ತಾತನ ನ...
ಇನ್ನಷ್ಟು ಓದಿ